ზურგის ტვინის ტიაქარი-გახლეჩილი მალა (სპინა ბიფიდა)- დაავადება, რომლისგან განკურნებაც ორსულობის პერიოდშივეა შესაძლებელი

ზურგის ტვინის ტიაქარი-გახლეჩილი მალა (სპინა ბიფიდა)- დაავადება, რომლისგან განკურნებაც ორსულობის პერიოდშივეა შესაძლებელი

სპინა ბიფიდა გახლეჩილ მალას ნიშნავს. დაავადების შესახებ გვესაუბრება შიშლის ფლორენს ნაითინგეილის საავადმყოფოს ნეიროქირურგი, ასოც. პროფ. იბრაჰიმ ალათაში.

ზურგის ტვინის თიაქარი, იგივე სპინა ბიფიდა, უმეტესობა ჩვენგანს იშვიათი დაავადება ჰგონია, თუმცა იგი ერთ-ერთი ყველაზე გავრცელებული თანდაყოლილი ანომალიაა, რომელიც  უდგინდება 1000 ბავშვიდან 3-4-ს. იმ შემთხვევაში, თუ დაავადების დიაგნოსტირება ორსულობის პერიოდში მოხერხდა, შესაძლებელია ოპერაციის გზით პრობლემის მოგვარება. დაავადებულთა 85 %-ს თიაქართან ერთად, აღენიშნება ტვინში სითხის დაგროვება, ამას ერთვის შარდის ბუშტისა და თირკმლის გართულებებიც. შიშლის ფლორენს ნაითინგეილის საავადმყოფოს ასოც. პროფ. იბრაჰიმ ალათაშის თქმით, დაავადების დიაგნოსტირება შესაძლებელია ორსულობის მე-12 კვირიდან. მედიკოსი ჩვენს შეკითხვებს პასუხობს:

 რამდენად გავრცელებული დაავადებაა ზურგის ტვინის თიაქარი?

აღნიშნული დაავადებით შეიძლება დაიბადოს ნებისმიერი ბავშვი. განვითარებულ ქვეყნებში, ყოველი 1000 ბავშვიდან ერთი ამ ანომალიით იბადება.  2013 წელს, იზმირის საერთაშორისო სამეცნიერო კონგრესი სწორედ სპინა ბიფიდას თემას მიეძღვნა და მეცნიერებმა ერთმანეთს ამ სფეროში უახლესი მიღწევები გაუზიარეს. 
სტატისტიკური მონაცემები გვიჩვენებს, რომ იზმირში დაავადების ალბათობა ათასიდან 1,5 შემთხვევაში, ელაზიღში  ათასში 2,2, ხოლო ანკარაში კი ათასში 4 გახლავთ. სტამბოლში ეს მაჩვენებელი გაცილებით მაღალია. 

როგორ ხდება ამ დაავადების დიაგნოსტირება მუცლად ყოფნის პერიოდში?

დიაგნოსტირება შესაძლებელია რუტინული ექოსკოპიის დროს. დაავადება შესამჩნევი ხდება განსაკუთრებით ორსულობის მე-20 კვირაში. დაავადების სირთულის მიხედვით, შესაძლებელია უფრო ადრე, ან გვიან დიაგნოსტირება. მცირე დაზიანება ზოგჯერ შეუმჩნეველი რჩება ჩვეულებრივი ექოსკოპიის დროს, თუმცა დეტალური დათვალიერებისას, იოლად ხდება აღნიშნული ანომალიის აღმოჩენა. 
პერინატოლოგიის სპეციალისტის რეკომენდაციით, შესაძლოა საჭირო გახდეს სპინა ბიფიდას თანმდევი ანომალიებისა და სინდრომების დიაგნოსტირების მიზნით ნაყოფის MR ან ამნიოცენტეზი. სპინა ბიფიდას დიაგნოზის არსებობის შემთხვევაში, თუ იგეგმება დაბადების შემდგომ ოპერაცია, დაავადების განვითარების ეტაპების სამეთვალყურეოდ, საკმარისია ექოსკოპიის რუტინული კონტროლი, ხოლო  ფეტალური ქირურგიული ჩარევის დაგეგმვის შემთხვევაში, ინიშნება ნაყოფის MR და ამნიოცენტეზის პროცედურა.

დაავადების გართულებას ხელს უწყობს მზე და მაღალი ტემპერატურა 

ჯერჯერობით არ არსებობს მტკიცებულება იმისა, რომ სპინა ბიფიდა გენეტიკური დაავადებაა. აგრეთვე, არაა დადგენილი, რა უწყობს ხელს დაავადების მუტაციას. ცნობილია, რომ სპინა ბიფიდას ჩამოყალიბება და განვითარება დიდადაა დამოკიდებული მომავალი დედის სამყოფ გარემოსა და ორსულობის პერიოდში მისი ცხოვრების წესზე. აუცილებელია, ორსულმა თავი აარიდოს სიცხეში დიდი ხნით ყოფნას, რადიაციას, მაღალ ტემპერატურასა და სიცხეს, საუნას მსგავს დაწესებულებებს და სხვ. რაც მიღებულია, მაგალითად, ევროპის ქვეყნებში.
დაავადების ჩამოყალიბებასა და განვითარებაზე, ასევე დიდ გავლენას ახდენს ორსულობის პერიოდში გადატანილი ინფექციური დაავადებები, სხვადასხვა ანტიეპილეფსიური მედიკამენტები, დიდ დოზით რადიაცია და სხვ. სწორედ ამიტომ, უდიდესი მნიშვნელობა აქვს ფოლიუმის მჟავის მარაგს. 

რისთვის უნდა იყოს მზად წყვილი, რომელთა შვილსაც უდგინდება სპინა ბიფიდას ანომალია?

სპინა ბიფიდას ანომალიით დაბადებულ ჩვილებს, ოპერაცია უნდა ჩაუტარდეთ დაბადებიდან არაუგვიანეს 8 საათში. ამ შემთხვევაში, წარმატების შანსი მაღალია. გამომდინარე იქედან, რომ პაციენტებს, სპინა ბიფიდასთან ერთად აღენიშნებათ ტვინში სითხიდ დაგროვებაც, ქირურგიულ ოპერაციას ატარებს ბავშვთა ნეიროქირურგი. მოგვიანებით, შესაძლოა განვითარდეს გართულებები ხერხემლის და საყრდენ-მამოძრავებელ სისტემაშიც და საჭირო გახდეს ორთოპედიული ოპერაციები, განსაკუთრებით მაღალია შარდის ბუშტის გართულებების რისკი.  ამიტომ, აუცილებელია ბავშვთა ქირურგისა და უროლოგის მუდმივი მეთვალყურეობა. სამწუხაროდ, აღნიშნული დაავადების სრულად აღმოფხვრა მხოლოდ ოპერაციის გზით, შეუძლებელია.

მუცლად ყოფნის პერიოდში ოპერაცია

ოპერაციის ჩატარება შესაძლებელია ორსულობის , 25-27-ე კვირეებში. არსებობს ქირურგიული ჩარევის ორი სახე: ღია ტიპის ოპერაცია- ამ შემთხვევაში, ტარდება საკეისრო კვეთა, ხდება დეფექტის აღმოფხვრა, შემდგომ კი, ნაყოფი კვლავ თავსდება საშვილოსნოში და იხურება ჭრილობა. ოპერაციისას გამოიყენება ენდოსკოპიური მეთოდი, ნაყოფზე ზემოქმედება ხორციელდება 3,3 მმ ზომის 3 სამედიცინო იარაღით, ჭრილობა კეთდება ზურგზე არსებული გახლეჩილი მალის არეში, ნერვული სისტემის დაზიანების გარეშე. ამგვარად, ხდება არსებული დეფექტის აღმოფხვრა და მომავალი რისკების პრევენცია.  
ორსულობამდე, სასურველია შემოწმდეს მომავალი დედის ორგანიზმში ფოლიუმის მჟავის ოდენობა
ფოლიუმის მჟავა არის ნივთიერება, რომელიც წარმოიშობა ორგანიზმში, იგი არის B9 ვიტამინის ერთ-ერთი შემადგენელი ნაწილი და ცენტრალური ნერვული სისტემის განვითარებაზე უდიდეს გავლენას ახდენს. უაღრესად მნიშვნელოვანია, ორსულობის პირველ პერიოდში ორგანიზმში იყოს საჭირო რაოდენობის ფოლიუმის მჟავის მარაგი. სწორედ ამიტომ, ყველა მომავალ დედას ვურჩევ, ორსულობამდე გაიარონ კონსულტაცია სპეციალისტებთან და შეამოწმებინონ ორგანიზმში ფოლიუმის მჟავის ოდენობა. თუ ორგანიზმში არსებული მარაგი მცირეა, აუცილებელია, ორსულობამდე 3 თვით ადრე მომავალმა დედამ შეივსოს ფოლიუმის მჟავის მარაგი.  დაორსულების შემდეგ, ფოლიუმის მჟავის მარაგის შევსების მცდელობა უკვე უშედეგოა და სპინა ბიფიდას განვითარების რისკიც, შესაბამისად, მაღალია. 

Tarih 08.11.2017
Paylaş
მსგავსი სიახლეები
გსურთ იყოთ ინფორმირებულნი?
florence nightingale hastanesi

ყველა უფლება დაცულია. © 2016 წელი. ფლორენს ნაითინგელის ჯგუფის საავადმყოფოები.

ინფორმაციის ვებგვერდზე განთავსება მიზნად არ ისახავს ჩაანაცვლოს ექიმების მიერ გაცემული სამედიცინო რჩევა, რომლებიც ფლობენ დეტალურ ინფორმაციას თქვენი სამედიცინო ისტორიის შესახებ.